Að vaxa í starfi - fagvitund og sjálfsefling

Námskeiðasyrpa  vormisseri 2015
haldin á vegum RBF/félagsráðgjafardeildar Háskóla Íslands
Umsjón: Sigrún Júlíusdóttir, félagsráðgjafi
Kennarar: Bjarney Kristjánsdóttir, Halldór S. Guðmundsson og Sigrún Júlíusdóttir

Skráning hér
 

Að vaxa  í starfi – fagvitund og sjálfsefling

 

·         Vitund, áhrif og árangur á vinnustað

               Haldið  þann 5.  febrúar  kl.  16-19.  Kennari: Halldór S. Guðmundsson

Aðaláhersla  í þessum  hluta er á starfsaðstæður og stjórnun, mótun viðhorfa og afstöðu til árangurs í starfi. Í því felst að skoða samhengi í áherslum vinnustaðar og eigin persónu, m.a. um  hvað stjórnendur vilja sjá og  hvernig má glæða elda kapps og hvatningar og nýta eigin hæfni til að auka  ánægju, fagleg áhrif  og  ítök.

 

·         Handleiðsla -  fagleg samskipti

Haldið  þann 5.  mars   kl.  16-19.   Kennari: Sigrún Júlíusdóttir

Í þessum hluta er fjallað um stöðu handleiðslu, aðferðir, meginhugtök og ramma. Þetta  er tengt því hvað felst  í ólíkum tegundum handleiðslu og hvað á við hvenær ásamt því hvernig  handleiðsla  eykur klíníska færni og er tæki til fageflingar. Unnið  með  viðhorf, fagsiðfræði  og fyrirbæri tengd  því  að  veita  og fá handleiðslu.

 

·         Persónuleg hæfni og sjálfsefling

Haldið  þann 9. apríl   kl.  16-19. Kennarar: Bjarney Kristjánsdóttir  og Sigrún Júlíusdóttir

Unnið  er með  samofið þroskaferli starfs- og einkasjálfs, m.a. tengt hugtökunum ábyrgð, fag - og sjálfsöryggi. Íhugun  um eigin reynslu, menningarheim og viðhorf er tengd næmi fyrir menningarlegum mismun og gildum  útfrá nýjum sjónarhornum. Hér geta persónulegar sögur okkar, bæði frá fjölskyldum og úr fyrri störfum og reynslu, ýmist hindrað í starfi eða dýpkað skilning og gagnast til að sjá sóknarfæri til fag - og sjálfseflingar.

 

Námskeiðið er endurmenntunarnámskeið á framhaldsstigi og jafngildir 12 kennslustundum. Staðfest vottorð um þátttöku verður afhent í námskeiðslok. Verð á námskeiðinu er 49.000 og verður sendur reikningur fyrir námskeiðsgjaldinu.  Hægt er að sækja um styrk í starfsmenntunarsjóð BHM fyrir námskeiðsgjaldinu.  

Þú ert að nota: brimir.rhi.hi.is