Ritstjórar: Sigrún Júlíusdóttir og Halldór Sig. Guðmundsson
Háskólaútgáfan og Rannsóknastofnun í barna- og fjölskylduvernd
2006
Bókin veitir almenna kynningu á félagsráðgjöf á margvíslegum sviðum innan og utan heilbrigðisstofnana. Hún er þannig kennsluefni, einkum fyrir nemendur í félagsráðgjöf en hún kemur einnig að gagni fyrir aðra faghópa sem starfa við hlið félagsráðgjafa. Þá er hún einnig handbók fyrir almenning.
Bókin skiptist í þrjá hluta. Í fyrsta hluta eru þrjú umfangsmikil og fræðilega undirbyggð erindi um hugmyndafræði og stefnumótun. Í öðrum hluta eru ,,Svipmyndir af sérsviðum” þar sem reyndir félagsráðgjafar gera grein fyrir hinum ólíku sérsviðum félagsráðgjafar í heilbrigðisþjónustu. Í þriðja hlutanum eru birt fjölfagleg erindi frá ráðstefnu um félagsráðgjöf í heilsugæslu.
Hin fjölbreytilegu faglegu viðfangsefni sem kynnt eru í bókinni fjalla ma. um barnleysi og hinar tilfinningalegu, félagslegu, siðfræðilegu og tæknilegu hliðar vandans. Einnig er fjallað um kynfræðslu og kynheilbrigði ungs fólks.